Условия обслуживания и
Правила использования

1. Xidmət nədən ibarətdir

Wardyn Netsolutions MMC-nin (bundan sonra "Şirkət") təhlükəsizlik monitorinqi platformasıdır. Müştərinin cihazlarına və serverlərinə quraşdırılan agentlər təhlükəsizlik hadisələrini toplayır, platforma onları əhəmiyyətinə görə sıralayır, müştəriyə bildirir və nə etməyi tövsiyə edir.

Platforma tövsiyə verir, qərar vermir. Bir tövsiyəyə əməl etmək və ya etməmək həmişə müştərinin təyin etdiyi məsul şəxsin qərarıdır. Aşağıda yazılmış aktiv müdaxilə rejimi istisnadır və yalnız müştəri onu özü açdıqda işləyir.

2. Kim nəyə cavabdehdir

Şirkət bunlara cavabdehdir:

• razılaşdırılmış cihaz və serverlərin monitorinqinə;
• aşkar edilən hadisələrin müştərinin seçdiyi kanalla vaxtında bildirilməsinə;
• platformanın işləməsinə və müştəri məlumatlarının qorunmasına.

Müştəri bunlara cavabdehdir:

• Wazuh agentinin düzgün quraşdırılmasına və işlək saxlanmasına;
• öz sistemlərinin əsas təhlükəsizliyinə: yeniləmələr, giriş nəzarəti, ehtiyat nüsxələr;
• tövsiyələrə vaxtında baxmağa. Rədd edilən tövsiyə yazılı şəkildə qeyd olunur və müştərinin öz qərarı sayılır;
• platforma giriş məlumatlarını (e-poçt və parol) başqasına verməməyə;
• monitorinq olunan sistemlərin istifadəçiləri (işçilər və s.) barədə məlumatı qanuna uyğun emal etməyə və onlara bu barədə məlumat verməyə.

Agent quraşdırılmamış sistemlərdə baş verən hadisələrə və müştərinin yazılı şəkildə rədd etdiyi tövsiyələrin nəticələrinə görə Şirkətin məsuliyyəti 6-cı bəndə uyğun məhdudlaşır.

3. Abunəlik, ödəniş, ləğv və geri qaytarma

Üç sabit paket var: Başlanğıc, Biznes və Korporativ. Bunlardan əlavə Fərdi paketdə müştəri alətləri, cihaz və istifadəçi sayını özü seçir. Sabit paketlərin qiymətləri saytın Qiymətlər bölməsindədir. Fərdi paketin qiyməti seçimə görə hesablanır, ödənişdən əvvəl göstərilir və sifariş anında dondurulur. Sonradan dəyişiklik etmək üçün yeni sifariş verilir.

Ödəniş Payriff vasitəsilə aylıq alınır; kartın saxlanması və avtomatik yenilənmə yalnız müştərinin ödəniş anında verdiyi açıq razılıqla aktivləşir və istənilən vaxt ləğv edilə bilər. Pulsuz sınaq yoxdur: xidmətlər ödənişdən dərhal sonra aktivləşir. Ödəniş dövrü bitəndən sonra 3 gün güzəşt müddəti var: bu müddətdə ödəniş olmasa xidmət dayandırılır, ödəniş gələn kimi bərpa olunur. Xidmət hüquqi şəxslər və sahibkarlıq fəaliyyəti ilə məşğul olan şəxslər üçündür və sahibkarlıq məqsədilə istifadə olunur.

Ləğv. Müştəri abunəliyi istənilən vaxt Şəxsi kabinet bölməsindən ləğv edə bilər. Ləğvdən sonra kartdan bir daha pul çıxmır. Xidmət ödənilmiş dövrün sonuna qədər işləyir, sonra dayandırılır (güzəşt müddəti olmadan). Ödənilmiş dövrün istifadə olunmamış hissəsi geri qaytarılmır.

Geri qaytarma. İlk 7 gün pulsuz olduğu üçün istifadə edilmiş dövrə görə pul qaytarılmır. Aşağıdakı hallarda ödəniş sorğuya əsasən Payriff vasitəsilə həmin karta qaytarılır: (a) eyni dövr üçün ödəniş iki dəfə və ya səhvən alınıbsa; (b) ödənişdən sonra 7 gün ərzində xidmət Şirkətin texniki və ya inzibati səbəbi ilə aktivləşməyibsə və ya əhəmiyyətli dərəcədə əlçatmaz olubsa. Sorğunu info@wardyn.az ünvanına və ya dəstək bileti ilə göndərin, ən geci 5 iş günü ərzində cavab veririk. Pulun kartda görünməsi Payriff və bankdan asılıdır.

4. AI funksiyaları

Xəbərdarlıqların ilkin təhlili və dashboard-dakı köməkçi Anthropic şirkətinin Claude xidməti ilə işləyir. Bu funksiyalar işə salındıqda xəbərdarlığın məlumatı bu xidmətə göndərilir. Nəyin göndərildiyi Məxfilik Siyasətində yazılıb. AI-nin cavabı tövsiyədir, insan yoxlamadan yekun qərar əsası kimi istifadə edilməməlidir.

Köməkçi yalnız kibertəhlükəsizlik, İT və Wardyn platformasından istifadə barədə suallara cavab verir. Hər paketin aylıq AI sorğu limiti var. Limit dolanda AI funksiyaları həmin ayın sonuna qədər dayanır, qalan funksiyalara təsir etmir. Fərdi paketdə AI ayrıca seçilir.

5. Aktiv müdaxilə (önləmə) rejimi

Standart halda platforma yalnız aşkar edir və xəbər verir (passiv rejim). IP ünvanını bloklamaq və ya faylı karantinə göndərmək üçün müştərinin səlahiyyətli əməkdaşı təsdiq verməlidir.

Biznes və daha yuxarı paketlərdə müştəri istəsə aktiv rejimi özü, xəbərdarlığı təsdiq etməklə açır. Aktiv rejimdə yüksək və kritik xəbərdarlıq gələndə platforma insanın təsdiqini gözləmədən bunları edə bilər:

• hücum edən IP ünvanı 24 saatlığa bloklayır (müştərinin etibarlı IP siyahısındakı və öz cihazlarının ünvanları heç vaxt bloklanmır, daxili şəbəkə ünvanları da);
• YARA zərərli hesab etdiyi faylı karantinə göndərir (fayl silinmir, geri qaytarıla bilər).

Rejim ümumi və ya hər alət üçün ayrıca açılıb bağlana bilər, müştəri onu istənilən vaxt passivə qaytarır. Aktiv rejim müştərinin öz qərarıdır. Qanuni trafikin və ya faylın səhvən bloklana bilməsi barədə rejimi açanda ayrıca xəbərdarlıq göstərilir.

6. Məsuliyyətin həddi

Wardyn infrastruktur monitorinqi, təhlükəsizlik hadisələrinin və boşluqların aşkarlanması platformasıdır. Heç bir təhlükəsizlik xidməti kimi, Wardyn də kiberhücumların 100% qarşısının alınmasına zəmanət vermir və sığorta xidməti deyil: aşkarlama və bildirişlər riskləri azaltmaq üçündür, yekun təhlükəsizlik qərarları və tədbirləri müştərinin öz məsuliyyətindədir.

Qanunun icazə verdiyi həddə, Şirkətin bir iddia üzrə ümumi məsuliyyəti hadisədən əvvəlki 12 ayda müştərinin ödədiyi abunə haqqı ilə məhdudlaşır. Şirkət bunlara görə cavabdeh deyil:

• üçüncü tərəf alət və proqramların nasazlığına;
• müştərinin agent quraşdırmadığı və ya söndürdüyü sistemlərə;
• yazılı şəkildə rədd edilmiş tövsiyələrin nəticələrinə;
• qarşısı alına bilməyən hallara (fors-major).

Bu bənd Azərbaycan qanunvericiliyinin məcburi normalarına zidd olmayan həddə tətbiq olunur.

7. Bildirişlər

Yüksək və kritik xəbərdarlıqlar müştərinin seçdiyi kanalla (Telegram, e-poçt və ya hər ikisi) mümkün qədər tez göndərilir. Göndərmə alınmasa sistem bir neçə dəqiqə ərzində təkrar cəhd edir, seçilmiş kanal işləməsə digər kanaldan da göndərir. Yenə də çatdırılma Telegram, e-poçt provayderi və müştərinin öz hesabından asılıdır, ona görə hər xəbərdarlıq dashboard-da da görünür. Dəqiq cavab müddətləri ayrıca xidmət səviyyəsi razılaşmasında (SLA) yazılır.

8. Xitam və məlumatların silinməsi

Tərəflərdən hər biri abunəliyə bu şərtlərlə xitam verə bilər (müştərinin ləğvi üçün 3-cü bəndə baxın).

Xidmət bitəndən sonra (ödənilmiş dövr və ya güzəşt müddəti bitəndə, yaxud abunəlik ləğv ediləndə) müştəri məlumatları 14 gün saxlanılır ki, müştəri yenidən abunə ola və ya məlumatını götürə bilsin. Bu müddətdə abunə yenilənsə hər şey olduğu kimi qalır. 14 gün keçəndən sonra məlumatlar avtomatik və həmişəlik silinir, silinməyə 3 gün qalmış sizə e-poçtla xəbər veririk. Məlumatlarınızın dərhal silinməsini info@wardyn.az ünvanına yazıb istəyə bilərsiniz. Ödəniş və mühasibat qeydləri qanunla tələb olunan müddətdə (ən azı 5 il) saxlanılır. Ətraflı məlumat Məxfilik Siyasətindədir.

9. Tətbiq olunan hüquq

Bu şərtlər Azərbaycan Respublikasının qanunvericiliyi ilə tənzimlənir.

10. Əlaqə

Xidməti Netsolutions MMC idarə edir. Suallar üçün: +994 55 410 35 20 və ya info@wardyn.az.